Deux lignes droictes n'enferment pas un espace.

Une seule ligne courbe enferme bien un espace, comme font aussi une ligne droicte et une courbe, mais deux droictes ne le peuvent faire, ains il en faut du moins 3 pour contenir et enclorre une espace, comme il appert en ceste figure, en laquelle les 2 lignes droictes AB, et BC, qui font l'angle B, estans prolongées tant qu'on voudra de la part de A et C, ne se joindront point, mais au contraire elle se dilateront tousjours de plus en plus ; tellement que pour enclore l'espace d'entre icelles deux lignes, il sera necessaire d'en mener une troisiesme, comme AC.

A ces 12 axiomes, Clavius et autres interpretes d'Euclide, ont encore adjousté les 8 suivans.