Quarré long, qui a les quatre angles droicts, mais non pas tous les costez égaux.

La seconde figure quadrilatere s'appelle quarré long, à cause qu'estant plus long d'une part que de l'autre, elle a tous les quatre angles droicts. Ainsi la figure quadrilatere ABCD sera appellée quarré long, car elle a les quatre angles droicts et non pas tous les costés égaux entr'eux, ains seulement les costés opposez AB, DC, qui sont plus longs que les deux autres opposez AD, BC, qui sont aussi égaux entr'eux.