Figure rectiligne, est celle qui est comprise de lignes droictes.

Apres avoir definy le cercle, le demy cercle, et les portions de cercle, Euclide passe aux figures planes rectilignes, et dit, que ce sont celles contenues et encloses de lignes droictes, et telles sont les trois figures cy dessous cottees A, B, C ; par consequent les figures planes comprises et environnees de lignes courbes, comme celles cottees D, E, F, sont appellees figures courbelignes, ou curvilignes : mais les figures qui sont circuites et encloses en partie de lignes droictes, et en partie de lignes courbes, sont nommees figures mixtes.