Figure de quatre costez, est celle qui est comprise de quatre lignes droictes.

Apres les figures trilateres viennent en ordre les quadrilateres, ou de quatre costez, c'est à sçavoir les figures contenues soubs quatre lignes droictes lesquelles constituent aussi quatre angles ; et pour ce sont elles souvent appellees quadrangles : ainsi entre les figures precedentes celles cottée B, comprise et enclose de quatre lignes droictes qui constituent quatre angles, sera appellee quadrilatere, ou quadrangle rectiligne ; et y en a diverses especes cy apres declarees : mais la figure cottee E enclose de quatre lignes courbes sera dicte quadrangle curviligne.