Le poinct, est ce qui n'a aucune partie

Les Physiciens disent que le poinct est le moindre object de la veuë ; et iceluy peut estre descrit avec ancre ou autre chose. Mais les Mathématiciens rejettans cette définition, disent que le poinct est un object de l'intellect si subtil qu'il ne peut estre divisé en aucunes parties : et iceluy ne se peut escrire, mais seulement entendre ou imaginer : Bien est vray que pour le representer à nos sens extérieurs nous nous servons du poinct Physique. Le poinct n'a donc aucunes des dimensions géométriques, c'est à dire qu'il n'a longueur, largueur, ny espoisseur, mais bien est-il principe d'icelles.