Soient deux triangles ABC et DEF, desquels les deux costez AB et AC, sont egaux aux deux DE et DF, chacun au sien : Mais la base BC est plus grande que la base EF. Je dis que l'angle A est plus grand que l'angle D.

Autrement, il sera égal, ou plus petit. Mais il ne peut estre égal : d'autant que par la 4.proposition les bases BC et EF seroient égales contre l'hypothese. Pareillement il ne peust estre plus petit ; d'autant que par la 24.proposition la base BC seroit plus petite que la base EF, et elle a esté posee plus grande. Parquoy l'angle A sera plus grand que l'angle D, puis qu'il ne peust estre egal ny plus petit. Si donc deux triangles ont deux costez egaux à deux costez, chacun au sien, etc. Ce qu'il falloit demonstrer.